Акыркы макалалар

Нарын облусунун ар бир район борборунда кайра иштетүү ишканалары курулат

Нарын облусунун ар бир район борборунда кайра иштетүү ишканалары курулат

Нарын облусун экономикалык жактан өнүктүрүү боюнча Жол картасында ар бир район борборлоруна кайра иштетүү ишкаларын куруу белгилеген. Бул тууралуу Нарын облусундагы өкмөт өкүлү Аманбай Кайыпов бүгүн, 30-январда облустагы ишкерлер менен жолугушууда билдирди.

Анын айтымында, Нарын облусу айыл жана мал чарбасына ылайыкташкандыктан, калктын негизги кирешеси эт, сүт жана айыл чарба азыктарынан түшөт. Ошондуктан ар бир райондо айыл чарба азыктарын кайра иштете турган ишканаларды куруу мезгил талабы болууда. Аларда дыйкан, фермерлер өндүргөн азыктарды Евразия экономикалык бирлигинин талаптарына ылайык даярдоо аркылуу экспорттоого жол ачылганын өкмөт өкүлү белгиледи.

Аманбай Кайыпов ишкерлерди 2018-жылы аймактарды өнүктүрүү жылына карата Нарын облусунда аткарыла турган бир катар долбоорлорду биргеликте ишке ашырууга чакырды.

Түп нускага шилтеме : maralfm.kg